تسجيل الدخول




تذكرنى
زائر جديد

 


العودة   منتديات نجوم ليبيا > برودكاست - رسائل ومسجات - توبيكات ملونة > رسائل ومسجات

مسجات ورسائل عتاب ليبيه -مسجات زعل ليبيه 2012

مسجات ورسائل عتاب ليبيه ls خليك بين الناس فاعل خير والعمر مهما طال راهو قصير .. خليك ديما صافي كيف العسل للناس حلو وشافي .. لا تهين

إنشاء موضوع جديد  إضافة رد
 
LinkBack أدوات الموضوع تقييم الموضوع انواع عرض الموضوع
قديم 12-11-2011, 03:45 PM   رقم المشاركة : [1]
الصورة الرمزية صرمانيه حره
 

صرمانيه حره is on a distinguished road

مسجات ورسائل عتاب ليبيه ls[hj gdfdi - vshzg gdfdi -مسجات زعل ليبيه 2012 مسجات ورسائل عتاب ليبيه - كسجات زعل ليبيه 2012 مسجات ورسائل عتاب ليبيه - كسجات زعل ليبيه 2012 مسجات ورسائل عتاب ليبيه - كسجات زعل ليبيه 2012



خليك بين الناس فاعل خير والعمر مهما طال راهو قصير .. خليك ديما صافي كيف العسل للناس حلو وشافي .. لا تهين غيرك لا شر اتكافي مهما حصلك من اقليل الخير ..ولا اتبع من باعك ولا تتكبر وللقول الصايب دوم حضر .. وخليك للمحتاج حاضر كيف الزهر فى موسمه يتناظر


الخاطر شرب كاس سم اللفاعي وعايش ايداعي ويكمى فعبرات يوم الوداعي
الخاطر شرب كاس سم الهوايش محسوب موش عايش يكمي فعبرات مر وغشايش
وعقلي بعد رزنتا تم طايش امخرب اطباعي ايجيب صورتك حتى وان ضل واعي

*- يعنى كيف أظروف صايرة نبيلها تعريف اللي حنون طبعة ايصير عنيف .. يخالف ارياي عنوة وما يسمعني.. لذيد اللوجاب وفى الاسلوب لطيف.. يقسا معاي ابكلمته يلسعني !


اطلب تمنى ياربيع العمر ادلل عليا وزاد تأمر أمر
لكن عليا مانهار اتغيب أغيابك عليا كيف لذع الجمر
يادليل الخاطر ياللي بلاك العقل ديما جاضر
لحظة بلاك القلب ماهو صابر عمري كتبتة معاك سطر بسطر

*- ياجميل الطاري .. حقك عليا ما غلاك انوارى ولا خاطري يزها الا فى قربك .. ديما خيالك فى شريط افكارى .. وديما غلاك ايزيد فى اعجابك وديما اقدارك هالبات اقدارى .. وديما جوابي سابقا بجوابك .. وديما مراسيلك اتزيد اخباري .



عندي عقل من قل الرفيـق الساعة عام فحسابه اتمـر
وعندي فكر ذاهب في الطريق بقى محتار مو عارف ايمـر
وعندي عزم ما ينفع رقيـق لا حمـال لا عمـره صبـر
وعندي نفس خانقها الضيـق دال الياس غير وين المفـر

*- وين ماالليل أيجيها تسيل فاقدة غالي عزيز عليها.. العين باكيه .


حاولت ننسى مـا القيـت عزايـميا مصعب النسيـان عللـي هايـم
حـاولـت ننـسـى غـــرورك ونبعد عليـك ونتركـك لشعـورك
لكـن حنينـي شالنـي لبحـورك ولقيت نفسي فـي غريقـك عايـم
صــعـــب نـسـيــانــك وصعب على غيرك ايجي في مكانك
بعد مـا روينـا شاربيـن حنانـك نموت بالعطش عالغير صايم صايم


*- اضلوعى كسر .. وضاق النفس فى حالتي متعسر .. ماهيش حلمه ليك فيها أنفسر أمرار م فى الريق حنظل ناخده .


لي قلب امفارق محبوبه يكابر عالجرح اللي فيه
ماسك دمعاته بهذوبـه يحساب البعـد اينسيـه
ثاريت النسيان اكذوبـة ماغالي ينسى غاليـه

*- عم ياجميل العين والتوصيف ليك دايرين أسحار وتقاطعنى والا سحابة عابرة في صيف .. وعين من معيان فيك فجعني .


مرايفيـن حبينـا عليـك انمسـو بريافنـا ياريـت يـوم اتحـسـوا
عـلــيــك امـــرايـــف وان كان نشغلك راني ربيع وصايف
طول اغيابـك يـا حبيبـي خايـف تهجر ونحنـا عالسـراب انرسـو

*- يابعيد الدار واحشني كلامك .. بري طال وماجاني سلامك


ما عندي نفس لاتخون غلاها .... ولا تروم جافي بلا سبب عاداها
عاشت مع اللي يعرفو مبداها ... لها قدر منهم كل وقت ايجيها
نافكرتي اتعبر علي معناها.... ماانلومها تحكي على ماضيها
الدنيا علي كل حال جربناها .... عرفنا وفاها ونقصها اللي فيها

*- فايت حده .. وهو بالعصر مليان مايجده .. هكى منابت والديه وجده ..
ونفسه عزيز للمكارم عابدة .


قالولي انساه اتهنى وريح بالك منة
قلتلهم من ينسى روحة.... من ينسى اماله وطموحة؟؟
حتى وين انغمض عيني ... ونستنى في النوم ايجيني

نلقى طيفة تحت اجفوني....انقولة يانوم استنى
خلي عيني تشبع منه

*- صدام جيشا خانه ونا خاني ريدي عليك عفانه ! لصدام صارت بيعه ونا باعني ريدي وكنت ربيعه يحلف بعمرى وهو سبب تضيعه .. دفني وجاء يبكي مع الدفانه .


ان كان ياعزيز اغنيت. نا انحمل عازات الجفا
وان عاز ياعزيز اقسمت .... تزهى العين طول عمرها
ان غاليت ........تاخذ قلب مفتوح ياعزيز للغلا
وان جافيت...... تلقى عزم صبار ياعزيز عالجفا

*- يلي حنون كلامك .. الشمس والقمر والنجم جن قدامك طفئ نورهن


ياللي عزيز مكانك ....مازال قلبي ع الوفا ماخانك مانبدلك
مازال قلبي وافي.....ومازال نابض بالحنان الدافي
مــــــوحال يبخل بالعطا مجدافي....لين يوصلة مركب غلاي حنانك
يهون عليا من اجنون اريافي.....ويبقى مقرة في ربوع اوطانك

*- مازال عندي صبر ومازلت نكمى فى امواج غبر ومازلت للياسات حافر قبر لكبار الكواين واتيين اوتاء ومازال عندي كسر يبي جبر لكسر الخواطر مالقيت دواء ومازلت ناخد من حياتي عبر بين الجفاء وهم ومعاناء.

ياللي عزيز مكانك ....مازال قلبي ع الوفا ماخانك مانبدلك
مازال قلبي وافي.....ومازال نابض بالحنان الدافي
مــــــوحال يبخل بالعطا مجدافي....لين يوصلة مركب غلاي حنانك
يهون عليا من اجنون اريافي.....ويبقى مقرة في ربوع اوطانك

*- وحق الغلا ماتهون لا تنهان مادام عندي نبض فى الشريان ماننساك ولا نريد فى الغيه عزيز معاك .. مشغول خاطري بغية ربيع غلاك يانهر غامرني بسيل حنان ويهون كا العمر فى مرجاك .



*- دورت فى شئ فى داخلى يزعلنى منك .. لقيت حتى الزعل فى داخلي راضي عنك




*- وين مايغيبوا مدة .. حالى غايتي ناخد نفس مانرده لين يرجعوا.



*- يالولاف مازلتوا غوالي حتى كان ما جاب النصيب .. ويالولاف مايرتاح بالي نين العقل طرواكم أيجيب ..ويالولاف مانرضى ابوالي لا في يومنشتاقوا حبيب .. يالولاف يازهوت دلالي فيكم يوم ضني مايخيب .


*- ما انرافقوا غير زين ولد اجواد مرفوع شانه .. هذك يفهمك من غير تبين .. او يعرف دوانا او دانا .. ولا فى الملاطم ايلين .. ولا تجيك منه خيانة !


*- وين مانقول بننسى .. ايجي طيفهم يشغل حواسى الخمسة .. ايجى طيفهم يشغلني ويهجر عيونى النوم ويسهرني .. ويسيطر عليا احساس ويحيرني .. كيف ماسهرت الليل نصبح نمسى




*- عندي لها ميعاد وتاخد الليل ودمعها بداد العين فى البكاء عندي .. عندي لها تكسيدة من ساعة غروب الشمس للتمهيدة .. الناس راقدة ونا انقولنريدة .. وين قلت ننساه غلاه زاد.


*- مش كل من غاب نحسبله ويشغل الخاطر إغيابه .. ولا كل منحاز نتعبله ونقصد اديارة وبابه .. ولا كل ميعاد نرغبله وتغريني جلسة أصحابه .. ولا كل صوت تسمعه يسعد ايامك.


*- القلب عندك والعيون مشولك .. ومازال سلك الروح نبعثهولك.


*- تراييت نا والعين تحجر نظرها .. واتوقف مطرها عندى خير من تفقد بصرها!! اللي رحل ما عاد جاها .. وخانه غلاها ودار صوب غيرها جديد ونساها .


*- مازال قلبي بين حلم وذكرى .. مازلت عايش بين أمس وبكره .. مازلت عندي فى القديم حنين .. أشواق ايجني بين حين وحين.. شوق الطير اللي مهاجر وكره .. وين يخطرن.


*- مازال عندي ياعزيز أسرارك وديما مكانك مايطوله جارك .. مازلت فى تذكارك .. ومازلت عاشق فى سماع أخبارك.. ومازال طيفك فى المنام يشارك.. ومازال قدرك فوق من مقدارك .. ومازلت فى مرجاك .. ومازلت عليا بعيدة دارك .


*- لاتشيل هم السيه .. ولاتقول دنيي ضاقت اليوم عليا .. بعد تنعقد تنحل طيه بطيه .. وياتي الفرج فى وقت ماتدريه


*- خارج نطاق التغطية ياسادة عزيز باعني ما رن في ميعاده .. ليش رخاني .. وخارج نطاق التغطية خلاني .. ايقول نتركه ايعاود حنيني ثاني .. نلقاه منشغل ويفوتني كالعادة خارج نطاق التغطية ياسادة.


*- لا كل من داوى ايحيد العله .. ولا كل متعلم يرد سؤال .. ولا كل مسلم فى الجوامع صلى .. عليه ربنا غافر اذنوبه شال .. ولا كل من ذاهب النجم ايدله .. ولا كل من يقنص يجيب غزال .


*- سلامك وصلنا يانظيف النيه قبلناه منك يابعيد الدار .. سلامى عليك وجملتك جملية على قد ما فى الارض من نوار وعلى قد ماهبن أرياح عشيه وعلى قد ما رفرف الطير وطار .


*- من قالك عمري بلاك ايروق .. ومن قالك يهذا الخاطر .. ومن قالك شوقي لغيرك شوق ومن قالك مانك على خاطري .


*- الخاطر ايصبح والصباح عليكم ويابخث من كاين صباحه فيكم والخير خيرك والصبح صباحك واشواق قلبي اتجيك فى مطراحك ( صباح الخير)


*- مازلت لاتوا نقول حبيبي .. حتى ان كان حبك هو سبب تعذيبي .. نقول اهواك لا فيه كيفك لا هناك معاك ادير خطأ نزعل وماننساك .. ندور اعذار ان ما اعذار تجيب تزيد جفا عندى يزيد غلاك راضي بعذابك فى الحياة نصيبي .


*- لا تظن البعد يقدر ينسى شخص غالي ولا تظن للوقت يقدر يمحى اسمك من خيالي .


*- انا ماني جافي ولا في يوم نصير عنك قاسى .. كيف نعاف روحى انت روحى


*- بعد الغلا عافوني وماني اللي ننعاف ويكافوني بالجرح والسيئات ويجافوني ونفسي عزيزة ماترومش جافي


*- ماكل من يعشق يطول وده ولا كل من يأخد قليب يرده .. غلاك فى القلب فايت يرده .. غلاي كابر له زمان ومده .. غلاى كامل محال تلقي نده .. غلاي صادق يصعب عليك تصده .. غلاي دايم للعزيز فى بعده .. غلاي وافي مازلت صاين عهده.


*- لايم على غالي عزيز جفاني بعد الزها فى الصوب ليش نساني .. على قاسي اللي قبل ساكن خاطرى واحساسي يا ما ورد عطشان قاصد كاسى ومن بير حبه بالحنين سقاني .. ومازال عطفه فى الغرام اساسي .. ومازلت غيره مانوالف ثاني .


*- يابدر وين تشوفه .. سلملي عليه وشوف كيف أظروفه .. راهى عليه اكبيدتي ملهوفه ومازال فى قربه مثيل وريدي .. حتى لو جميل الطوفه .. ومازال هو همى وبيت قصدى .. ويابدر ناظرني وناظر ريدي جديد جيبيلي منه وخود جديدي .


*- فاقد غلاك وخاطرى متضايق .. بعد غيتك كيف ايمسى الخاطر رايق .. دقيت هاتفك ماقصدي ازعاجك .. فاقد غلاك والقلب داعيلك وين ما اتخطى الخير ايجيك .


*- لو كان مانك غالي لا اندورك ولا نحسبك فى بالي .. ولو كان مانك زين .. ولو كان مانك من عرب زنيين .. ولو كان مانك خير من الاخرين .. ماكانت عيونى بالدموع اتعاني وماني على شأنك اليوم حزين .. وضايق ملاجي نين هذا حالي .



*- حاولت ننسى مالقيت عزايم يامصعب النسيان عاللي هايم .. حاولت ننسى ولا كل واحد ينعطا الامان وانت انعدك مالتريس الخيره وعابي عليك برفقتك مطمان.


*- اللي حسبتهم ليا زمان اصحاب تمو سبايب عيشتي فى عذاب ماريت فى ذنواهم غير مرض ياسر من كثير خطاهم اللى نحساب همى ينفرج بلقاهم جو كلهم ضدي من غير حساب وبايت عليا اليوم سود نواهم كيف ماتلون ريش كل غراب .


*- واجد راجيتك ياعزيز اعذرني لغيرك ابقينا والنصيب جبرني .. لو كان تعرف ياحبيبي الداني ما تقول متغير وماتذكرني .. ولو بغايتي تبقي رفيق زماني ولا نخسرك فى يوم لا تخصرني .


*- ريت البخث ياصاحب عطيب .. زاد الوقت بهمومى قسا .. خلاني نجول فى وطني غريب مفيت الدمع مارينا زها .. رضخت للقسم ورضيت بالنصيب ..مغير الجرح تسطيرا قوا .. صرفت امعاه مالقيت له طبيب وعمر السم ما تما دوا .


*- مكتوب يانفس ننهاك .. ومكتوب تبقى عنيدة .. مكتوب يانفس غلاك .. مع اللي اوصافه فريدة .. مكتوب ياعين شقواك .. من بعد كنتى سعيدة .. ع الدمع ياعين ننهاك .. يكفيك عيشتي وحيدة .


*- لي قلب ياوحلتي فيه .. كل يوم امجدد اهباله .. كان انجرح مالقي من ايراضية .. وان اطرب والقي من ايساله .. مهموم وين غابوا غواليه .. اللى شاغلين عقله وباله .


*- مازال مشتاقلكم .. مازال طول العمر مانبدلكم .. وين مانحس القلب محتاجلكم .. نترك الدنيا كلها وانراسلكم .


*- ما كان ودى فى الحياة ننساكم ولا كان قلبي لغيركم مفتوح ولا كان طبي طب غير دواكم ولا كان عندي هم غير ارضاكم ارضو عليا ياساكنين الروح .


*- ابعاد اعزاز وديما عليكم خاطرى هدراز .. لو كان تندرو .


*- سلام العين للعين والعين ماتصبر بلاكم سلام القلب للقلب والقلب ينبض بغلاكم سلام الروح للروح والروح ديما معاكم .


*- نهيت خاطرى ماباش ينسى ريده وكل يوم جايبلي احلام جديدة .. نهيت خاطرى .. حلف قال ماننسى سريب الغالي هو رفقتي وهو عليا غالي غالي غالي .


*- ما بين اه ولا خلاني عزيز انموح فى مرجاه .. لو ريت حالتي ؟ ماكلمني ولا قال رايه لا حكي فهمنى .. لهمومى وعذابي ولوعتى سلمني .. تنزف اجروحى مالقيت دوا .. برضاه غالي للكدر سلمني .. ياسه وناره جن اثني.


*- سبحان من قال ينسى غلاهم ونبر بلاهم .. ونقدر على كبر جرحي جفاهم .. سبحان من قال ينسى حبيبه ويمشى بطيبه .. ويقدر على طول هجره وعيبه ويدفع بعد كل غلطه ضريبه ويحمل خطاهم ويصبر وما صبر


*- قيسى عزيز انساني .. وماعاد تما كيف قبل ايجيني .. خذاع الجفا .. انسى ما جانا اللي قبل ما يحمل نهار بلانا وتما ايقوصر فى الكلام امعانا .. وتما امغير امجامله يطرينى اخساره هبا منتور ضاع شقانا .. ولايم على غيري عزيز انسنى


*- مانى ناسي ولا يوم طبعى ايصير شورك قاسي وأمرك انشيله فوق عيني وراسى وننسى اهمومى وين ماتلاقينى .. وديما معزتكم بطول اسنيني مكانك اختار القلب والا عيني .


*-مانك رخيص علينا غير الظروف امعاكسه والهينا مازلت غالي





*- مرايف عليك ان كان تنشد عني .. امغير الظروف انجيك ماخلني .. مازال قلبي وافي ومازال متواصل عليك اريافي .. ومازال طيفك كل ليه لافي



ls[hj ,vshzg ujhf gdfdi -ls[hj .ug 2012


أكتب تعليق على الموضوع مستخدماً حساب الفيس بوك

تسهيلاً لزوارنا الكرام يمكنكم الرد ومشاركتنا فى الموضوع
بإستخدام حسابكم على موقع التواصل الإجتماعى الفيس بوك


up09

صرمانيه حره غير متواجد حالياً   رد مع اقتباس
قديم 03-20-2013, 01:55 PM   رقم المشاركة : [3]
 

نور2013 is on a distinguished road
افتراضي

مشكوررررررررررر
نور2013 غير متواجد حالياً   رد مع اقتباس
إنشاء موضوع جديد  إضافة رد

مواقع النشر (المفضلة)

جديد منتدى رسائل ومسجات

« - | رسائل عيد الام الخلجية 2013 - احلى رسائل عيد الام الخلجية 2013 »
أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
صور رومانسيه 2012 اجمل صور رومانسيه 2012 str-ly صور منوعة 2013 5 06-19-2013 02:19 PM
مسجات وداع و فراق2013 رسائل وداع وفراق 2013 اميره المنتدي رسائل ومسجات 2 03-20-2013 01:55 PM
مسجات دلع ليبيه 2013 - مسجات غرور ليبيه 2013 اميره المنتدي رسائل ومسجات 4 03-20-2013 01:55 PM
أمساكية شهر رمضان 2012 للجميع الدول شهر رمضان 2012 mr7-ly القسم الاسلامى 0 07-12-2012 02:52 AM
محمد السالم 2012 سمير اغاني عربية 0 07-06-2012 04:25 AM


الساعة معتمدة بتوقيت جرينتش +2 . الساعة الآن 09:01 AM
التعليقات المنشورة لا تعبر عن رأي موقع نجوم ليبيا ولا نتحمل أي مسؤولية قانونية حيال ذلك (ويتحمل كاتبها مسؤولية النشر)


.
جميع الحقوق محفوظه نجوم ليبيا


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144